【荔枝角美食】D2 Place PC狗主題大叔拉麵！期間限定+最後兩日！

大叔拉麵為PC狗慶祝出道35周年，將拉麵店打造PC狗主題，推出一系列期間限定食品同精品，今次主題做到3月13日！大家要抓緊機會去啦！

店內亦都好多PC狗裝飾，Fans必去打卡留念！

主題美食包括特盛和牛骨湯拉麺、大阪餃子、日式南蠻炸雞包、豆沙酥及雞肉蟹子沙律。各款美食都印上PC狗圖案，精緻可愛！

要留意隨套餐附送的開瓶器已經贈送完畢，其他精品公仔尚餘少量，售完即止。

大叔拉麵
地址：荔枝角長順街15號D2 Place二期3樓314號舖