【元朗美食】60年老店勝發餅家懷舊忌廉筒，傳統手藝+每日新鮮做

忌廉筒係70到80年代流行嘅麵包，流傳到依家，已經好少餅店會整。

呢間位於元朗錦田嘅小店堅持製作人手製作，價錢只係$9一個。

簡單一個忌廉筒其實製作過程非常繁複，但師傅依然堅持製作，只係憑呢份堅持同恆心都值得去支持。

食落可口，唔算話一食入魂，但都值得一試，加上外型得意，幾啱打卡～

一場去到，順便試埋蛋撻，仲有雞批同懷舊西餅都可以買啲。