【新年好去處2024】單身男女出Pool必睇！3大靈驗寺廟推介~

新一年想出pool？咁就要留意小編推介以下呢間寺廟啦，聽講連「千億新抱」徐子淇都去參拜過，單身嘅你仲唔快啲去同月老祈求過年後有一段好姻緣，咁情人節就有著落喇！即刻睇下有邊幾間寺廟先~

黃大仙月老

黃大仙除咗擁有大型寺廟之外，另外亦有供奉月老像及佳偶天成男女神像，每年都吸引不少善信前來祈福，如有意求得良緣，黃大仙祠不失為單身男女的一個好選擇。

地址：香港九龍黃大仙竹園村二號

========

寶雲道姻緣石

灣仔寶雲道嘅姻緣石都非常靈驗，呢舊姻緣石就係「千億新抱」徐子淇都拜過~姻緣石被塗上紅油，相傳單身男女都可以在此求得良緣，而拍拖中的情侶則可祈求感情穩定、早日開花結果。

地址：灣仔寶雲道

========

坪洲金花廟

位於離島坪洲，係本地最著名嘅姻緣、子嗣廟宇，廟內的金花娘娘主要掌管生育、子嗣及護胎，類似送子娘娘。如果你都想求姻緣同埋求子，呢度就好適合你！新年行大運入嚟坪洲不妨誠心祈求娘娘庇佑。

參拜時拿着寶牒跪拜，誠心所求並稟報自己姓名，最後化完寶牒後便完成。

記住有借有還，參拜過後，記得要在明年農曆年底前回來還神，最好奉上鮮花及水果，以表誠意。

地址：離島坪洲永安街 (於天后宮左邊巷子進入)