【西灣河美食】太安樓必試台式地瓜球！6款口味+香脆煙韌！

去太安樓除咗食串燒，記得要試埋台式地瓜球「老兄苔」！傳統台灣手工製地瓜球，小店更特別購入台灣夜市專用地瓜球機，喺香港都食到台灣夜市風味！

地瓜球外脆內空心煙靭，共有6款口味選擇，包括原味、美奶滋肉鬆、花生朱古力、黑芝麻、梅粉及椰茸朱古力。

新鮮即炸，每粒都漲卜卜，必試梅粉口味，加$4可以揀雙拼口味！

另外仲有滷肉飯，米苔目及湯羹等美食~下次去掃街見到就支持下小店啦~

老兄苔
地址:筲箕灣道57-87號太安樓地下A 39號A舖
營業時間:
星期一至四 12:00-22:00;星期五至日 12:00-23:00