【澳門美食】白色三層高獨棟Cafe，必試巨型焦糖布丁+日式海膽湯烏冬！

澳門有好多靚靚Cafe，今次介紹呢間白色獨棟Cafe，必試店內人氣甜品——巨型焦糖布丁！濃郁蛋香，口感滑溜，size同一個iphone差唔多，啱晒兩個人開心share~ 更有多款fusion西餐菜式，包括泰式冬陰功湯烏冬、 日式海膽湯烏冬及焦糖洋蔥芝士牛肉等等。

餐廳空間感強，樓底高，坐得比較舒服，假期去食個brunch都幾chill~

超巨型焦糖布丁 ，真係成個iphone咁大！真係好吸引~打卡一流！

蕃茄素肉丸扁意麵，另外都有其他素食選擇~味道都唔錯。

泰式冬陰功湯，可揀配飯或者烏冬。酸辣泰式冬陰功湯幾開胃，配上沙律菜及溏心蛋更加豐富。

日式海膽湯烏冬，可配雞皮餃子/ 秘製滑雞胸，套餐包括胡蘿蔔醋沙律及日本番薯糖水。套餐仲有糖水好正！

記得要試埋融入澳門特色嘅咖啡！黑芝麻咖啡配鳳凰卷同杏仁餅咖啡都幾特別~

FILL CAFE
地址：澳門樹木巷13號（面向媽閣廟右手邊直行）
營業時間：11:00 - 19:00 (星期五、六、日營業至21:30）