【珠海好去處】橫琴創新方必食餐廳推介！正宗湘菜+新派水煎烤肉

去創新方唔知有咩好食？小編為你介紹兩間必食餐廳！鐘意食辣嘢或者食燒肉記得book mark啦！

常湘琴湘菜館

鐘意食辣必試常湘琴，喺呢度可以食到正宗湘菜，餐廳被譽為湘菜天堂，係湘菜愛好者必去餐廳！

茶油土雞：呢道菜係一道湖南名菜，用珍貴茶油燜製嘅走地土雞，肉質嫩滑，花椒嘅麻辣更突出雞肉嘅鮮香~

另外更有多款香辣惹味菜式等你試，推介野生岩殼魚及鮮椒紫蘇牛蛙！用料新鮮，肉質爽嫩~

食辣嘢配返啲涼菜更滋味，涼拌魚皮同麻辣木耳都唔錯！

最後食返個黃金蒸糕中和下辣味，咁就perfect啦！

常湘琴湘菜館（創新方店）
地址：創新方2樓263號
營業時間：10:30-21:30

聚益水煎肉

同傳統燒肉唔同，水煎燒肉一滴油都唔用，無咁油膩~ 食到食材嘅原汁原味！

今次我哋嗌咗步步高升套餐，包括多款肉類、前菜、肉類及鰻魚飯！份量超多！

水煎肉是將肉類點上烤肉湯汁放上烤盤燒，用湯汁燒熟生肉，味道比較清淡，唔會太熱氣或者太油膩。

下次去橫琴創新方玩記得試下呢兩間餐廳啦！

聚益水煎肉
地址：創新方2樓253號
營業時間：11:00-22:00