【深圳好去處】深圳親子一日遊路線，光明大仟里商場+光明農場+虹橋公園

大家都知深圳多嘢食又多嘢行，小編為嚟緊即將出發去深圳玩嘅你，準備咗一日遊行程，結合購物、娛樂、美食及戶外玩樂，唔駛自己plan行程，輕鬆玩轉深圳！

光明大仟里商場

今次行程主要圍繞深圳光明大仟里商場，商場超大，建築面積約15萬平方米！擁有近200多間品牌入駐！ 包括多個知名美食品牌，更有髮型屋、美容店、美甲店及按摩店俾你扮靚鬆一鬆！

商場5樓有深圳首個粉色浪漫主題天臺，「歐式空中花園」吸引唔少網紅打卡！鐘意打卡千祈唔好錯過啦~

鐘意食嘢嘅要去網紅美食主題街區「里巷尋味」，擁有30多間知名美食品牌，包括鮑師傅、小楊生煎、廖記棒棒雞及有茶。亦有湊湊、西塔老太太、楠火鍋、白玉串城、芭夯兔（兔肉火鍋·華南首店）等大型連鎖餐飲品牌。唔同菜式俾你揀，充滿新鮮感！

商場人流唔會太多，行得比較舒服，想避開人群，去光明大仟里就啱啦！

商場入面仲有體驗騎馬，去雲頂馬術可以俾小朋友試下騎馬，培養多個興趣！

港人限時優惠

即日起至12月31日，香港人只要憑有效證件可前往L1客服台領取價值￥518優惠券！ 包括湊湊￥20指定飲品券、￥80金逸電影票、￥120鹤祥宫體驗券（足療·spa）及￥298屈臣氏spa護理一次！除咗光明大仟里可以攞到優惠券，去寶安大仟裏仲可以再攞！總價值超過￥1000元！

除咗可以攞優惠券，睇牙都有有優惠！香港人前往麥芽齒科可免費享受超聲波洗牙！更可以特價￥2960種牙，免費升級德國牙冠！6歲以下兒童全口免費塗氟，補牙更可享特價￥98！

光明大仟里附近有三個著名景點，包括紅花山公園、虹橋公園和光明農場。紅花山公園搭的士都只係5分鐘車程，好方便，另外虹橋公園和光明農場都只係半個鐘車程內。虹橋公園內有全長4公里嘅藝術長廊，係全國第二大鋼結構單柱多曲景觀橋，被網友們稱為深圳的“長城”！去行下，呼吸下新鮮空氣都幾放鬆~

光明農場就比較啱帶小朋友去，園區共分為：奶牛示範及文化展示基地、特種養殖展示基地、蠶桑科普文化基地、奇異瓜果世界、生態果林、樂活農場、歡樂海洋拓展運動區7大區域。

設有親牛園、智能擠奶展示、騎士會、豬樂園、錦鯉園、蠶桑文化館、蔬園巨星館、黃皮園、桑果園、樂活農場、CS野戰等共25項娛樂項目。一家大細可以喺農場品味醇香牛奶及鮮甜生果，更可以體驗耕作及採收嘅樂趣，共度溫馨親子時光！早啲出發，喺商場食飯，再去公園行下，之後再入農場玩半日，輕輕鬆鬆一日遊！

光明大仟里購物中心

地點：深圳市光明區購物中心

交通方法：

1）香港西九龍高鐵30分鐘抵達“光明城”站，再搭的士30分鐘即可抵達光明大仟里

2）香港西九龍乘高鐵到深圳北站，轉地鐵6號線到“公明廣場”站D出口直達