【聖誕好去處2023】旺角THE FOREST LuLu豬聖誕「豚」聚小鎮，必影4米高LuLu豬+限定聖誕精品

如果你都係LuLu豬嘅fans，由即日起至2024 年 1 月 4 日，大家就一定要去旺角 THE FOREST同佢「豚」聚過聖誕！

THE FOREST今個聖誕節，打造出LuLu 豬聖誕「豚」聚小鎮，唔單止有4 米高嘅LuLu 豬之外，場內仲有超吸睛LuLu 豬聖誕樹、主題自拍亭，同埋唔同嘅快閃活動，大家仲可以入手期間限定12 款全港獨家 LuLu 豬精品！

LuLu 豬主題期間限定店，有唔少獨家限定周邊產品，必買包括 LuLu 豬吸水杯墊、陶瓷碟和玻璃杯，泰迪 LuLu 系列手提吸管杯、布袋、地毯及刺繡抱枕，同埋首次登場、兩款 THE FOREST 限定 25cm 泰迪 LuLu（薄荷綠）、 14cm 泰迪 LuLu（白色），毛茸茸質感搭配代表聖誕節嘅配色，真係令人愛不惜手！

而「聖誕系列」嘅周邊有不倒雪人 Lu、不倒聖誕樹 Lu ，仲有冬日 LuLu 等，唔同冬日造型毛公仔，以及聖誕樹掛件、聖誕襪及蠟燭等，送禮自用都一樣適合。

1 樓中庭LuLu 豬主題聖誕樹，掛滿唔同造型嘅泰迪 LuLu，仲有聖誕樹裝飾球。聖誕樹隔離仲有首度登場，3隻坐喺禮物盒上面80cm 大嘅泰迪 LuLu 毛公仔，以一身超萌聖誕造型，超過可愛！

最後大家唔好錯過罐頭豬 LuLu 主題嘅 Snapio 自拍亭！THE FOREST 獨家限定「泰迪 LuLu」相框，俾大家可以即時影相同埋打印自拍照，同其他「午餐肉」和好友將滿滿 LuLu 聖誕回憶帶返屋企！ 另外THE FOREST 仲聯乘 LuLu 豬舉辦一系列快閃見面會，LuLu 豬會喺平安夜、聖誕節正日仲有除夕夜，不定時驚喜突襲，野生捕捉到 LuLu 豬嘅粉絲，可以即場互動和合照，分分仲收到 LuLu 豬氣球、限定 LuLu 豬 Tote Bag 架！

LuLu 豬聖誕「豚」聚小鎮
日期：即日起至2024 年 1 月 4 日(星期四)
地點：九龍旺角奶路臣街17號 THE FOREST