【上海迪士尼樂園】全球首個落成！《優獸大都會》主題園區即將於2023年底開幕

電影《優獸大都會》係2016年上映嘅迪士尼電影，當時深受唔少人喜愛！

自2019年上海迪士尼宣布興建以呢套電影為主題嘅第八個園區之後，

最近官方終於公開更多有關園區嘅設計圖同細節，

仲預告會喺2023年年底正式開放，未出發之前不如一齊睇下先啦！

「優獸市」係一座大小哺乳動物共融嘅大都市，

以朱迪警員同佢拍檔阿力正式成為警官之後，由壞綿羊手中解救明星「嘉西BB」為主題！

新主題園區將會重現多個經典城區，

包括優獸市中心、冰川鎮、雨林區及撒哈拉廣場！

每位遊客入到園區之後，將會被賓治警員邀請參與入職培訓！

但警鐘會突然響起！作為新警員嘅你，需要緊急召集前往指揮室。

原來係咩小姐同佢同伴逃離咗監獄，仲綁架咗明星「嘉西BB」，

佢哋仲謀劃要摧毀即將上演嘅全城瘋唱派對！

要解救明星「嘉西BB」並唔係咁易！

喺追捕嘅過程中，參加者需要同主角一齊坐上「無軌騎乘系統」，

滑過騰騰鎮嘅冰面，並由撒哈拉廣場一路追蹤到「迷之春水療會所」，

之後再由熱帶雨林區高空墜落，咁先可以解救「嘉西BB」㗎！

除咗感受一場沉浸式體驗之外，園區仲有唔少值得遊覽嘅地方！

喺前往動物城市民廣場嘅街道上，

兩旁就佇立咗由體型各異嘅動物經營嘅特色店鋪～

其中由教父嘅女兒花花所經營嘅時尚精品店「露露精品店」，

就位於「大馬路」嘅入口處！

門口仲安排咗近三米高嘅北極熊保鏢 Koslov 駐守！

成間店鋪裡面有近 200 款商品，部分更加係為園區獨家設計，

另外亦特設阿也、威大狼為主題嘅區域，千祈唔好錯過喇！

呢款曾經喺《優獸大都會》出現嘅阿力冰製爪子雪條，遲啲都可以喺園區內食到！

仲有「大象甜品店」(Jumbeaux's Café) 都係參考電影裡面嘅店舖設計～

食物造型同樣喺電影中得到靈感～

例如：巨型朱古力棉花糖、狐狸爪子造型嘅經典雪條 (山楂味) ，

同埋賓治警員最鍾意嘅冬甩！

為咗令遊客有更真實嘅體驗，迪士尼團隊亦花盡心思將電影情節反映喺建築上～

喺動物城公園公寓群，就可以見到花花同佢爸爸教父、Koslov、阿閃、阿也、威大狼、朱迪嘅父母同兄弟，喺窗口探出頭同大家見面！

園區內嘅每一個角落同景點，都好值得大家細心留意！

睇到呢度，你係咪已經好想嚟朝聖呢？

上海迪士尼樂園門票

Klook:

Kkday:

Trip.com

資料來源：上海迪士尼度假區