【荔枝角美食】新開日式木系Cafe，必試抹茶麻糬窩夫+焙茶蘭王卷蛋

荔枝角最近新開咗間Cafe，木系簡約裝潢令人感覺放鬆，食物方面主打日式定食，仲有多款甜品都好吸引！

戶外座位打卡一流，餐廳都係寵物友善，可以帶毛孩去chill下！

荔枝角返工可以lunch去食，食物選擇都幾多，有意粉、日式烏冬、椰菜花飯及丼飯等等。

假日去食個下午茶都係唔錯嘅選擇，必試抹茶麻糬窩夫！窩夫有四件，份量十足，外脆內軟嘅窩夫配上紅豆黑糖醬及軟糯麻糬，口感豐富！

麻糬窩夫仲有朱古力味，配黑糖蒟蒻及海鹽焦糖醬，味道更香甜！

甜品仲有卷蛋！店內卷蛋係採用蘭王雞蛋製作，食落更有蛋香！推介抹茶麻糬蘭王卷蛋。

餐廳三點有下午茶set，68蚊卷蛋配美式咖啡或日式麥茶，套餐更抵食。

Makuma
地址：荔枝角長義街9號D2 Place ONE 地下G03號舖

圖片來源：@chilllifehk、@makuma.hk