【尖沙咀美食】新派港式茶餐廳，熊仔冰奶茶+華田脆脆西多

今次介紹尖沙咀一間新派港式茶餐廳，由金茶王主理！必試店內熊仔冰奶茶，奶茶配上由茶底整成嘅熊仔冰，好飲又啱打卡！店內仲有多款樽仔奶茶，包括茉香奶茶、原味奶茶、玫瑰奶茶、少甜奶茶及鴛鴦奶茶。各有特色，奶茶香濃順滑。

樽仔奶茶包裝都好得意！經過可以買返支飲~

除咗熊仔冰奶茶，仲有熊仔紅豆冰都值得一試！

下午茶推介試下一夜暴富流華多士，西多士佈滿華田粉及方格脆脆，切開流心！

仲有棉花糖朱古力西多士，都係咁邪惡！

餐廳仲有多款新派茶記美食，包括原個蕃茄蛋牛飯、菠蘿海鮮焗飯、南瓜咖喱海鮮焗飯等。

搵日約friend去開餐，歎杯奶茶啦！

金二少冰室
地址：九龍柯士甸道71號地下8號舖

圖片來源：IG@kamyeesiu