【香港7-11】7仔新出天仁茗茶雪糕！913茶王+桂花金萱烏龍+香芋奶綠

炎炎夏日，梗係要買返啲雪糕食下啦！7仔今期推出多款雪糕！必試天仁茗茶913雪糕～以上等烏龍茶及頂級粉光參製造，香醇回甘，茶控必試！！今次一共推出咗三款口味，包括913茶王、桂花金萱烏龍及香芋奶綠。

除咗天仁茗茶，充滿兒時回憶的雀巢牛奶樂、鳳仙都驚喜回歸！雀巢牛奶樂分別有原味和經典朱古力口味，奶味香濃的香滑奶條，勾起童趣無比的兒時幸福；鳳仙：美味香蕉味脆皮外層包裹著香滑雲呢拿味雪糕，並以真正芒果醬作夾心，味道酸甜清新。

另外仲有伊藤家聯乘ｍofusand推出卷蛋、吐司同芝士蛋糕，包裝好可愛！ｍofusand fans必買！買嚟當早餐食，心情都會好啲！