【香港迪士尼樂園】唐老鴨89歲生日喇~樂園三大活動登場！

踏入6月就係唐老鴨嘅生日月，各位迪士尼fans立即把握機會入園同佢慶祝呢個大日子喇！建議大家可以換上唐老鴨得意造型同唐老鴨見面或者送上祝福，記住試埋樂園入面嘅得意美食同埋一系列可愛主題精品。

由即日至6月21日，唐老鴨同黛絲仲會喺美國小鎮大街舉行驚喜慶祝活動，到時可能會邀請以唐老鴨或黛絲作為穿搭嘅賓客加入，快啲一齊參與呢場最Duck意嘅生日Party啦。

唐老鴨生日月慶祝活動
日期 : 即日至2023年6月21日
地點 : 香港迪士尼樂園