【日本住宿】跟著蠟筆小新去旅行！關西期間限定豪華營地主題房！

作為蠟筆小新嘅粉絲，又係時候準備出發去旅行！

今次目的地係關西淡路島嘅豪華營地（Glamping）～

裡面有蠟筆小新主題房間（オラのコクーン）㗎！

呢個營地一共有23間房間，其中一間就係以蠟筆小新為主題，

面積有75平方米～

裡面設有２張單人床同1張碌架床，最多4人入住！

房間裝潢相當有心思，隨處都可以揾到小新、小白、動感超人等熟悉角色嘅蹤影！

就好似地毯上有小白、Cushion上有動感超人同康達姆機械人造型～

粉絲們仲可以穿上小新嘅睡衣，發個好夢！

仲有動感超人嘅造型服裝！

每位入住嘅旅客唔單止可以得到原創明信片作為紀念品，

亦可以拎住門票去參與淡路島公園動漫公園以「哥斯拉」為主題嘅『哥斯拉攔截行動」！

客房內嘅迷你吧仲為客人提供香檳、本地啤酒、飲品等～

鍾意蠟筆小新嘅你，

下次去旅行，一於嚟呢度朝聖啦！

Grand Chariot（グランシャリオ 北斗七星135°）
地址：兵庫県淡路市楠本2425番2号