【香港】運輸署試驗新型行人過路裝置！紅光投射行人路提醒「低頭族」！加強行人安全意識！

運輸署正推行一項為期約六個月嘅試驗，喺行人過路處安裝新型嘅輔助裝置，提醒行人唔可以喺「紅色人像」燈號亮着時橫過馬路，加強行人安全意識！

輔助裝置會喺「紅色人像」燈號亮着時，將紅光投射到行人路嘅等候位置上，透過地面或者手機嘅反射提醒行人，尤其係「低頭族」！

波斯富街／富明街、荃灣街市街近仁濟醫院、沙田正街近沙田市中心巴士總站、窩打老道／禧福道呢四個路口嘅行人過路處將喺7月陸續安裝輔助裝置！