fbpx

【香港LadyM】新出士多啤梨千層芝士蛋糕!香港獨家推出+2月1日起發售!

2 月 2, 2024 | 香港, 美食

大家都知 Lady M 嘅千層蛋糕好出名,今次佢地就出新嘢,將兩款經典嘅蛋糕結合埋一齊,全新推出士多啤梨千層芝士蛋糕!將芝士蛋糕嘅元素加入千層蛋糕之中,令味道同口感層次都提升咗,令人一試難忘!

呢款蛋糕係由 Lady M 香港團隊自己研發嘅,佢哋用新鮮嘅士多啤梨同忌廉芝士混合埋一齊,代替咗平時嘅忌廉,搽喺超薄嘅班戟皮中間,做成士多啤梨千層芝士蛋糕。忌廉芝士綿滑細膩,混入新鮮士多啤梨、鮮忌廉及櫻桃白蘭地,以酒香襯托水果的香甜,均勻抹於不少於 15 層透薄的士多啤梨手工班戟皮之間,濃淡粉紅層層相間。

餅底都唔同以往,佢用咗法國 Valrhona 嘅士多啤梨朱古力同自家製嘅薄脆,酥脆鬆化,放喺千層芝士蛋糕底下,令蛋糕嘅口感更加豐富,有唔同嘅層次。蛋糕面頭仲有新鮮嘅士多啤梨、士多啤梨果醬、青檸同檸檬皮,再加上帶蜜糖風味嘅法國貴腐甜酒同淡忌廉,唔單止裝飾咗蛋糕,仲增加咗一份優雅嘅香氣。




為咗慶祝呢個新作品,Lady M 香港仲特別設計咗一個專屬嘅包裝盒,竹製的蛋糕盒盒面烙印了士多啤梨藤蔓圖案,中央印上 Lady M 標誌,質樸典雅。啱晒喺情人節同伴侶一齊品味,或在母親節同屋企人分享甜蜜滋味。

士多啤梨千層芝士蛋糕由 2月1日開始發售!喺香港同澳門嘅所有分店有得賣件裝,網上都可以預訂原個蛋糕,原個蛋糕最早 2 月 4 日就可以拎。

另外,由 2 月 5 日開始,Lady M 香港登陸金鐘太古廣場,大家又多一個地方食cake啦~

士多啤梨千層芝士蛋糕
價錢:件裝 $86 ,原個蛋糕:$580 (6吋)/港幣$860 (9吋)

*以上資訊只供參考,如有任何變化或更改均以現場情況或商戶決定為準*

Klook.com
X