fbpx

【香港好去處】東平洲環島一日遊,香港世外桃園+浮潛體驗

6 月 9, 2023 | 香港, 大嶼山 / 坪洲 / 離島, 玩樂

位於香港最東端嘅東平洲世界地質公園,島上獨特嘅自然奇觀同清澈嘅海水吸引唔少遊客前往。假期不妨一探香港嘅世外桃源,親親大自然,放慢步伐,探索島內嘅嶙峋怪石及海洋生物啦!

水清沙幼,碧海藍天,唔講以為去咗外國!加上島上收唔到訊號,可以專注睇島內美景,嚟一場社交媒體排毒!將注意力從手機熒幕移開,去睇風景、散步同深呼吸啦!

環島路線大概要行三個鐘:阿媽灣—更樓石—龍落水—斬頸洲—長沙灣—大塘村,去到大塘村會有餐廳可以食個lunch!星期六有兩班船前往,一日遊建議搭乘9am班次,早啲去有充足時間遊覽,回程得5:15pm一班船,要留意回程時間,唔係就會滯留一晚啦。




斬頸洲係島內人氣打卡位!原本與島相連嘅山嘴,經歷數千年嘅風化侵蝕,形成一條天然走廊。穿過峭壁之間,海岸景觀便會映入眼簾,讓人感覺豁然開朗!

兩座樓高兩層嘅石柱在海蝕平台上相互廝守,猶如一對守護東平洲嘅更樓,遂得「更樓石」之名,雄偉嘅海蝕地質奇觀,層層岩石形成獨特風景。

用航拍鏡頭拍攝,呈現出嚟嘅畫面令人驚艷!

只限潮退時打卡的海螺洞!打卡時需注意安全,海浪大嘅時候請勿前往。前往時提早check下當日潮退時間。

離開綿延不斷嘅岩石群,跟住就前往長沙灣,清澈見底的海水是浮潛或潛水嘅絕佳勝地!想試下浮潛可以報個一日遊,有專業導賞員帶團參觀東平洲世界地質公園「三平一奇」及浮潛體驗。>>>立即預訂一日遊!<<<

前往東平洲的方法
從港鐵大學站搭乘計程車(車程約 5 分鐘)或 272K 號巴士於馬料水渡輪碼頭下車, 再轉乘街渡前往,船程1小時45分鐘。

馬料水碼頭往東平洲渡輪
營業時間:逢周六、周日和公眾假期
船程:1小時45分鐘
來回船票價格:$100
去程:星期六9am及3:30pm;星期日9am
回程:5:15pm
購票網站:https://www.traway.com.hk/4389-2/

注意事項:
-街渡及餐廳僅於星期六、日及公眾假期服務。
-自己垃圾自己帶走,切勿污染環境。
-島上網路訊號微弱,有機會切換至中國網絡,建議熄咗數據漫遊,以免收取漫遊費用。
-打卡注意安全。
-前往之前記得有預早幾日買船飛。

圖片來源:Facebook @梁文迪,IG @kong.yenyen、imablackyy

*以上資訊只供參考,如有任何變化或更改均以現場情況或商戶決定為準*

Klook.com
X