fbpx

【香港好去處】IKEA「宜家開檔市集」登場!一連四星期!本土環保小店!

2 月 13, 2023 | 香港, 玩樂

由2月10日至3月5日,IKEA將舉辦以香港本土文化及創意為主題嘅「宜家開檔市集」,集購物、玩樂同打卡於一身!邀請咗本地小店同非牟利機構擺設攤檔,仲有港式美食!市集將在每周末指定分店進行,更有各個公仔吉祥物快閃活動!

是次市集為期四個周末,分別於銅鑼灣、沙田、荃灣及九龍灣分店舉行。IKEA特意請來本地特色小店同非牟利機構參與是次周末市集,租金全免,全力支持本地小店同社區團體。




市集攤檔由IKEA家品搭建而成,並掛上由香港藝術家—圓 DUM DUR 精心設計嘅港式招牌,設計融合IKEA公仔吉祥物元素。攤檔售賣富有地道特色同港式情懷產品,由飾品、生活好物、護理產品到手作布藝繩藝都一應俱全。

除本地小店外,IKEA邀請咗本地非牟利機構HKWWA女工會.綠慧工社參與是次市集,不單會向大眾推廣支持本地婦女理念,更會喺現場擺設攤檔。

女工會.綠慧工社旗下嘅Triple-Up 及「好梘單」團體結合「環保清潔.升級再造.本地車衣手作」三個概念,利用 IKEA用剩嘅布料,製作布產品。同時以本地回收廢油製生產多用途家事保廢油皂及洗手泡泡 、茶籽洗碗液等。團體期望支援家庭經濟、促進婦女參與、及推廣升級再造嘅環保生活概念。

為咗讓每位顧客更進一步感受到今次周末市集嘅主題,IKEA精心準備了極具香港特色嘅傳統茶檔打卡位。此外,深受大眾喜愛嘅鯊鯊更會化身侍應招待大家!周末的1pm至7pm,一眾可愛嘅IKEA公仔吉祥物將會喺市集內快閃現身,跟大家合照打卡,喜歡IKEA公仔嘅粉絲切勿錯過!

由2月11日起,香港IKEA餐廳同IKEA美食站亦將推出多款港式滋味主食,配合市集香港主題!

港式雞扒配司華力腸,火腿伴薯條,蒜蓉汁/黑椒汁 + 汽水 HK$59

港式免治牛肉意粉配溫泉蛋  HK$46

腐竹糖水 HK$15

避風塘脆雞柳 HK$16

港式奶茶新地及迷你雞蛋仔 HK$19

IKEA 香港限定宜家開檔市集

日期: 分店:
2023年2月10 – 12日 銅鑼灣分店
2023年2月18 – 19日 沙田分店
2023年2月25 – 26日 荃灣分店
2023年3月4 – 5日 九龍灣分店
時間:中午12:00 – 晚上8:00

IKEA 香港限定宜家開檔市集在何時何地舉行?

2023年2月10 – 12日 (銅鑼灣分店)
2023年2月18 – 19日 (沙田分店)
2023年2月25 – 26日 (荃灣分店)
2023年3月4 – 5日 (九龍灣分店)

IKEA 香港限定宜家開檔市集食物推介?

推介港式奶茶新地及迷你雞蛋仔

*以上資訊只供參考,如有任何變化或更改均以現場情況或商戶決定為準*

Klook.com
X