東涌福朋喜來登酒店全新開業餐廳「御廚」登場啦！餐廳主打全新自助美食概念，提供多款環球特色美食！

「御廚」提供五個美食區 (鮮廚、中廚、西廚、印廚、糖廚) ，分別有午市同晚市。賓客可自選一個或多個美食區，盡情享用各式菜式。

餐廳亦會啲周末中午12時至晚上8時30分，開放兒童遊樂設施，小朋友享受美食同時亦能盡情放電。

「御廚」設計似香港嘅美食廣場，用上淺色色調同木材增強空間感。柔和陽光灑落餐廳窗旁，大家可以好休閑咁用餐。

鮮廚 – 沙律吧
可能係全香港最新鮮而齊全嘅沙律吧之一，提供主要產自本地小農場約20款蔬菜，以及6款沙律菜。多款健康美食包括：滋味雞肉、吞拿魚、有營意大利米型意粉同藜麥等；晚餐時段亦會供應煙燻三文魚同熟蝦。

西廚 – 西式烤肉
惹味烤肉係主打：鮮嫩多汁嘅肉眼扒同烤雞，晚餐仲有限定嘅西班牙伊比利黑毛豬鞍。牛扒同豬鞍都超軟腍！小編大推！唔少得配菜包括香蒜焗蔬菜、忌廉椰菜花及南瓜蓉等。

中廚 – 點心及粉麵
粉麵檔提供6款唔同種類麵食、新鮮蔬菜同多款配料，晚餐時段會供應大蝦、青口同牛腩肉。仲有唔同湯底，如香濃豬骨湯、惹味喇沙湯同牛骨或雞湯，配搭多變。仲設精選點心：晶瑩蝦餃、鮮製燒賣等。唔少得暖心滋補嘅中式湯水同火喉粥品。

印廚 – 印度風味
提供正宗印度風味，包括印式烤雞、烤魚同瑪莎拉鱈魚，晚餐時段將供應唐多里烤大蝦。仲有多款咖喱、配菜同印式烤餅，即使素食都能有多款選擇。

廚師推介嘅西式湯品包括蘑菇忌廉湯同香濃番茄湯，惠顧任何一站都可隨時品嚐。

糖廚 – 精緻甜品
飽足之後必須以甜品作結。除咗新鮮水果外，仲有美國紅絲絨蛋糕、日本芝士蛋糕、木糠布甸、歐式糕餅麵包同英式經典麵包牛油布甸以及繽紛糖果瓶等，大人小朋友都會一見傾心。

而家仲有開業優惠，由即日起至10月31日可享75折優惠。

午餐
鮮廚 / 中廚 / 西廚 / 印廚：
每美食區由成人每位港幣$178* / 小童每位港幣$138*起 (星期一至五)
每美食區由成人每位港幣$218* / 小童每位港幣$148*起 (周末及公眾假期)

糖廚 (另加) ：
每位港幣$70* (星期一至五)
每位港幣$80* (周末及公眾假期)

任您吃：
成人每位港幣$298* / 小童每位港幣$188* (星期一至五)
成人每位港幣$348* / 小童每位港幣$258* (周末及公眾假期)

晚餐
鮮廚 / 中廚 / 西廚 / 印廚：
每美食區由成人每位港幣$218* / 小童每位港幣$148*起 (星期一至五)
每美食區由成人每位港幣$258* / 小童每位港幣$198*起 (周末及公眾假期)

糖廚(另加) ：
每位港幣$80*

任您吃（盡情品嚐所有美食區）：
成人每位港幣$348* / 小童每位港幣$238* (星期一至五)
成人每位港幣$398* / 小童每位港幣$298* (周末及公眾假期)

*另收取加一服務費

御廚
大嶼山東涌怡東路9號香港東涌福朋喜來登酒店地下大堂

開放時間
午餐：中午12:00至下午2:30
晚餐：晚上6:00至9:30
單點：中午12:00至晚上9:30

*以上資訊只供參考，如有任何變化或更改均以現場情況或商戶決定為準*