fbpx

【香港】迪士尼樂園夏日驚喜登場!大玩水花巡遊+戶外派對!仲有史迪仔安琪首次登場!

6 月 30, 2022 | 香港, 大嶼山 / 坪洲 / 離島, 玩樂

☉ 瀏覽次數 : 983

今個夏日,迪士尼樂園度假區為大家準備了一連串夏日驚喜!有全新夜間匯演「迪士尼星夢光影之旅」,仲有奇妙水花體驗,為遊客消暑降溫。

由即日起至 8 月 31 日,會有「Pixar 水花大街派對!」夏日巡遊表演,大玩水花,仲有夏日限定版「迪士尼尋夢奇緣」同「玩具兵團訓練營 – 水兵特訓班」。一眾迪士尼同彼思好友亦會現身樂園各處,同遊客自拍。仲有首次現身香港迪士尼樂園嘅史迪仔好朋友—安琪。一系列全新迪士尼獨有#Eatertainment 體驗和全新夏日商品,以及夏日宅度假體驗,讓賓客全程投入盛夏之樂!

戶外音樂派對「迪士尼尋夢奇緣」亦推出全新夏日限定版,歌聲伴隨震撼壯觀嘅水柱同泡泡為炎炎夏日消暑降溫。匯演中序幕「夢想啟航」、以《優獸大都會》為主題嘅「奇妙慶典」同結幕「完美終章」都加入咗更多水花同濕身元素。




仲有「Pixar 水花大街派對!」噴水花車巡遊!《反斗奇兵》嘅胡迪、牧羊女寶貝、翠絲,《玩轉腦朋友》嘅阿樂同阿愁,《沖天救兵》嘅卡叔、羅小飛,同《½的魔法》嘅仁仔同肥巴將沿著美國小鎮大街跟賓客派對。想盡情濕身嘅賓客可以喺潑水區域大肆慶祝,與一眾彼思好友歡慶舞動,亦可留喺「乾爽區」,以眼睛感受夏日氣氛!

全新「水兵特訓班」,遊客將接受手持水槍嘅玩具士兵反斗特訓,進行互動水花任務!

《扮嘢小魔星》踏入 20 周年!安琪首次嚟到香港迪士尼樂園登場!

明日世界嘅戶外能量站亦推出全新「史迪仔軟雪糕杯」混合雲呢拿同菠蘿味,係炎炎夏日消暑之選。仲有多款「打卡」必食滋味小食供賓客選購,包括史迪仔朱古力冬甩、史迪仔藍莓朱古力撻、史迪仔曲奇棒棒糖等!酒店餐廳亦推出多款以壽星為主題嘅甜品。華特餐廳嘅「華特盛夏之旅晚餐」賓客將會嚐到史迪仔主題甜品,為晚餐畫上完美句號。星航圖咖啡廳有史迪仔梳打、藍莓檸檬乳酪蛋糕。除此之外,樂園同酒店商店亦推出了超過 100 款史迪仔主題商品!

MARVEL 超級英雄亦喺全新明日世界舞台雲集登場,各位粉絲可以同奇異博士、蜘蛛俠同雷神托爾,喺巨型 LED 屏幕前自拍留念。

樂園亦將於 8 月 13 至 31 日迎來「迪士尼公主週」,小鎮大街火車站將化身成為迪士尼公主雍容華貴嘅迎賓場地。蒂安娜、茉莉公主、梅莉達與長髮公主樂佩將盛裝打扮。

搞鬼又可愛嘅鋼牙奇奇同大鼻帝帝將會以西部牛仔裝束加入「享’樂’旅人」,一同喺灰熊山谷內隨著歌曲拍拍手、跳跳舞。

*以上資訊只供參考,如有任何變化或更改均以現場情況或商戶決定為準*

Klook.com
X