fbpx

【香港】荔枝角新奇外賣罐頭飯,仲有滋味冷串鉢鉢雞!

8 月 26, 2022 | 荔枝角 / 美孚, 香港, 美食

☉ 瀏覽次數 : 2633

今次介紹一間荔枝角外賣店,小店主打新鮮罐頭飯同冷串鉢鉢雞,鐘意食辣嘅就唔可以錯過啦!

每款菜式都係用罐頭裝,新奇有趣,打卡一流!菜式都係每日新鮮製,一開熱辣辣~

必試店內四大人氣菜式金湯酸菜魚、麻辣紅燒肉、香辣雞煲同巴東牛肉!每款醬汁都好惹味,撈飯食一流!




巴東牛肉:牛肉燉得軟腍入味,啖啖肉,好滿足!

麻辣番茄牛肉飯:牛肉軟嫩,配上麻辣番茄醬,香辣開胃~

套餐仲可以加跟餐飲品,推介水蜜桃烏龍茶,飲落清新消暑。

套餐嘅飯可以轉土豆粉~ 口感煙韌彈牙。

除咗罐頭飯,仲有冷串鉢鉢雞都值得一試!

冷串鉢鉢雞可以揀紅油麻辣或藤椒醬汁,每份串串都會配上油碟及干碟。蔬菜唔夠辣就建議點多啲辣椒油,如果丸類或者肉類就建議點辣椒粉。

店內多達二十幾款串串,麻辣鮮香~ 必試推介有鵝腸、鴨舌同海帶結~每款都吸收咗飽滿嘅麻辣醬汁,好惹味!

覺得唔夠辣就可以另加辣油或者辣粉。

飲品選擇有多款特色茶飲,包括水蜜桃烏龍茶、百香果芒果茶,洛神花茶同玫瑰花茶~ 安神養顏~

喺荔枝角返工或者經過就不妨去試下啦!

米串咀
地址:荔枝角青山道489-491號香港工業中心A座地下A2F號舖(港鐵荔枝角站 C 出口, 步行約2分鐘)
營業時間:星期一至六11:30 – 19:30;星期日全日休息

*以上資訊只供參考,如有任何變化或更改均以現場情況或商戶決定為準*

Klook.com
X