fbpx

【香港】米線控不能錯過!全港6間勁好食雲南米線店大集合!

5 月 20, 2022 | 香港, 美食

☉ 瀏覽次數 : 3401

點解咁多人都鍾意食米線?
小編都答你唔到~
只能說如果要日日食麻酸辣米線都冇問題㗎!
今次為所有米線控搵嚟六間雲南米線店~
想食好味嘅麻酸辣米線,香港最大連鎖店以外亦有其他選擇~
一齊睇吓有邊幾間啦!
(排名不分先後~~)

===========================================

長沙灣 – 雲南風味館
由一對夫婦經營嘅雲南米線店~
佢地嘅米線充滿米香又爽滑!
濃郁嘅湯底,辣味仲好有層次添!
真係愈食愈開胃呀~
值得一提係佢地嘅炸醬辣勁十足!必食!
其他地方都食唔到呢種味道~正啊!

INFO.
地址:長沙灣興華街27C

===========================================

天水圍 – 麗江雲南米線
米線控一定要食呢間!食過嘅天水圍人都激讚~
試過佢個麻酸辣,肯定你上癮!
湯底仲要完全冇味精~ 聽講有人會飲晒啲湯添啊…
連配料都激好食!小編流哂口水喇~~

INFO.
地址:天水圍天湖路1號嘉湖新北江商場一期1樓C45A號舖




===========================================

鰂魚涌 – 樂林小鍋米線
打工仔平時食lunch都有高質酸辣米線?
係呀!呢度嘅米線一樣充滿米香~
湯底酸中帶辣,相當惹味!
基本配料有炸醬、半隻滷水蛋同芽菜~
如果想額外加餸亦有好多選擇~
大碗又抵食,難怪午飯時間門外總係企滿人等位啦~
想食就記得早啲去排隊喇!

INFO.
地址:鰂魚涌濱海街11號地下

===========================================

荃灣 – 老闆娘雲南米線
荃灣一向多嘢食,但千祈唔好數漏呢間~
勁多米線!口感上偏腍身~
麻辣味真係好突出!
飲完嘴唇仲感覺到有少少痲痺,好過癮啊!
啱晒鍾意食辣嘢嘅朋友!
至於招牌酥炸雞球食落亦外脆內軟,大家可以順便試埋~

INFO.
地址:荃灣曹公街8號香車街熟食中心3樓28-29號舖

===========================================

屯門 – 雲貴風正宗雲南米線
一碗好食嗁麻酸辣米線屯門都有!
酸菜、芽菜、韮菜同肉碎,樣樣有齊!
夾埋一齊食真係好好味~
米線份量亦好多!
嫌唔夠豐富仲可以自己加餸~
麻辣豬耳/豬肚/豬腸/雞肉等都有,夠哂特別!

INFO.
地址:屯門井財街15號金銘大廈地下

===========================================

葵涌 – 雲南小鍋米線
傳說中係香港最好食嘅米線?到底係咪咁正!
一上枱已經俾佢啲雞絲吸引到!全部都撕得超超超幼細,仲堆到座山咁!
配埋湯底一齊食,簡直就係爽啊!
小編特別推介腩肉!
唔會太過太膩,而且好夠淋!辣辣地仲幾惹味~~

INFO.
地址:葵涌梨木道112號葵寶大廈地下5號舖

*以上資訊只供參考,如有任何變化或更改均以現場情況或商戶決定為準*

Klook.com
X