喺灣仔鬧市嘅新派中菜「永8舫」，斥資逾2,500萬元精心打造！將現代藝術風格融入傳統中國設計，風格典雅得嚟又蘊含豪華細節，食客可以喺充滿格調嘅環境享受精緻美食！

當電梯大門打開，已經見到充滿氣派嘅裝潢。店舖由國際著名室內及建築設計師梁志天先生設計，呈現唔同主題風格嘅壁紙裝飾，以至一椅一桌同碗筷餐具，都表現住融合中西嘅概念。

餐廳合共設有84個座位，仲有5間貴賓房，客人可以喺高私穩度空間享受佳餚。其中3間貴賓房可打通成容納超過36人嘅特大房間，2間大型私人貴賓房亦設有卡啦OK音響設施，適合舉辦私人派對。貴賓房設計別致典雅，餐桌上嘅天花係充滿現代藝術感，價值超過六位數嘅名貴七彩水晶吊燈，格調高雅又具時尚氣息。

「永8舫」主打新派高級中菜，兩位主廚陳偉庭師傅及梁健祥師傅，均擁有超過30年中菜經驗，創作菜餚時，糅合咗從香港、美國、瑞士、希臘、日本等地所累積嘅豐富烹調經驗，運用精湛技巧將傳統繁複工序嘅中菜，以新派手法重新呈現。

「永8舫」新張營業期間推出超值自助早午餐，食客可以一次過嚐盡超過30款精緻美食，每位自助早午餐客人更敬送一客秘製天宮翅及波士頓龍蝦（每位半隻）。

波士頓龍蝦採用每隻超過1磅嘅中型龍蝦，鮮味濃郁，肉質爽口彈牙。以法芥籽法式醬，加上檸蜜同龍蝦濃湯烤焗而成，略帶酸甜嘅清新味道帶出龍蝦鮮味。

除咗魚翅同龍蝦外，是次自助早午餐其他美食都極富心思。當中包括造型獨特、選用西班牙黑毛豬為內餡嘅啤梨鹹水角，清甜外皮同肉香餡料帶出鹹甜口感，加上百力滋嘅果蒂令造型維妙維肖。大廚又為配合兔年主題創作出兔仔餃，晶瑩外皮包着香濃奶黃餡，造型可愛。

其他精選熱盤仲包括大廚拿手菜式，例如以黑醋炮製、酸甜醒胃嘅脆皮咕嚕肉；外脆內嫩嘅香口油爆蝦，中西合璧嘅招牌芝士焗豬扒飯等。

「永8舫」的自助早午餐折後港幣368元/位（+10%服務費），由2023年1月28日開始供應（星期六、日及公眾假期，時間12:00至14:30），新張期內只限定1個月。

永8舫
地址：灣仔軒尼詩道318號永倫立方2樓
自助早午餐：星期六、日及公眾假期12:00-14:30
自助早午餐：星期六、日及公眾假期12:00-14:30

*以上資訊只供參考，如有任何變化或更改均以現場情況或商戶決定為準*