fbpx

【深圳美食】打卡泥陶壺煮粉紅奶茶!仲有芋圓芝士紅薯/客家精緻點心

8 月 21, 2023 | 中國, 美食

今次同大家介紹呢間客家主題茶飲店,店內裝修風格行新中式風,主打客家點心、茶飲,店內俾人感覺好悠閒、愜意,今個週末即刻約埋閨蜜嚟打卡啦!

 
店名好特別,「轉來」喺客家話中意思解作「回家」,希望客人嚟到店鋪猶如番到屋企般自在。

必試呢款古法泥陶壺烤奶茶,有多款口味,包括陳皮、野果、紅棗肉桂、原味,推介紅糖玫瑰口味,粉紅色嘅奶茶好啱打卡,飲落口感更帶點焦糖味。客人更可以親自體驗煮茶過程。




芋圓烤芝士紅薯,紅薯同芝士味道真係好夾,再配埋煙韌嘅芋圓,好Q彈。

銀耳蓮子清補涼,入面有銀耳、馬蹄爆珠、斑斕凍,食落好清爽。

仲有多款精緻點心糕點。

轉來·山野茶食
地址:龍華大道壹方天地D區L1-027號(壹方天地店)
地址:香山街社區文昌南街7號創意園北區A1棟108(華僑城店)

圖片來源:@小紅書

*以上資訊只供參考,如有任何變化或更改均以現場情況或商戶決定為準*

Klook.com
X