位於長崎嘅豪斯登堡係一個仿歐主題公園～

每年到咗2至4月都會舉行大鬱金香節，今年都唔例外！

準備去大鬱金香節嘅你，以下五大景點千祈唔好錯過啊！

鮮花道路

呢度有荷蘭風車、鬱金香花園～

成個公園盛開著100萬朵鬱金香，打卡一流！

Bastion 花田

望著一大片野生花同鬱金香花海！

仲聞到陣陣花香～好想大叫：「春天真係嚟咗喇！」

阿姆斯特丹廣場

想欣賞歐洲街道景色同埋鬱金香？就要嚟呢度！

悠閒漫步令人好放鬆～

唔講真係以為自己去咗外國！

豪斯登堡宮殿

全日本只有呢度先可以欣賞到700個品種嘅鬱金香！

成個宮殿都被鬱金香包圍著～

仲可以睇埋鬱金香藝術品添！

仲有以鬱金香為限定主題嘅歐洲酒店，你又住過未呢？

今個春天未有長假去歐洲？

咁去住九州鬱金香節先，一樣可以滿足到你㗎！

豪斯登堡
地址：長崎県佐世保市ハウステンボス町1-1
活動日期：2023年2月25日 至 2023年4月9日
網址 : www.huistenbosch.co.jp

日本豪斯登堡相關酒店住宿推介

*以上資訊只供參考，如有任何變化或更改均以現場情況或商戶決定為準*