fbpx

【台灣】必打卡海中木棧道!睇日落必到彌陀漁港海岸光廊!

3 月 15, 2022 | 台灣, 玩樂

☉ 瀏覽次數 : 1169

台灣高雄又有新景點啦!位於高雄彌陀區嘅南寮彌陀漁港海岸光廊係最近最新開放嘅一條跨海海上木棧道!加上附近嘅公園綠地、沙灘,彩繪等等,成為最近高雄最熱門嘅一個景點。

高雄嘅彌陀漁港海岸光廊海上步道橫跨成個海邊,喺呢到無論咩時間影相都有唔同嘅感覺。

朝早可以影到清新嘅感覺,下午就非常明亮,黃昏時候有浪漫嘅氛圍。

水中嘅棧道喺潮漲時就好似可以企喺海中一樣!

棧道旁有一個小沙灘,沙灘上仲有一座滑梯,玩沙玩水同滑梯,都係小朋友嘅最愛。




喺海上走廊旁邊仲有防波堤 ,所以沙灘海浪都係較平和,唔少爸爸媽媽都會帶小朋友嚟呢邊戲水。

堤防旁仲有彩繪,相當可愛。

彌陀海岸光廊
高雄市彌陀區南寮路96號

*以上資訊只供參考,如有任何變化或更改均以現場情況或商戶決定為準*

Klook.com
X