撈丁/公仔麵係唔少香港人嘅至愛～
由以前嘅蔥油撈丁，到宜家已經有更多創新口味～
芝士、咖哩、沙嗲汁、…係咪睇見都心郁郁想食呢？
一於睇吓小編為大家搵嚟嘅6間餐廳先～
包你可以食到最好食嘅撈丁/公仔麵！
(排名不分先後～～)

===========================================

觀塘 – 珠記冰室
呢度嘅豬扒撈丁出哂名好食！
出前一丁炒得好乾身，水準一流！
豬扒醃得好香～勁惹味！

INFO.
地址：觀塘開源道48號威利廣場2-3

===============

紅磡 – 紅磡冰室
呢度嘅瑞士雞翼撈公仔麵遠近馳名，
皆因瑞士汁夠色澤，每一條麵都吸收到瑞士汁精華！
連雞翼都好入味，真係好吸引～
撈麵煮得幾乾身，啱哂小編口味！
整體味道好濃郁！正！

INFO.
地址：紅磡明安街25號地舖

===============

何文田 – 德國熱狗
呢間港式熱狗店，賣熱狗之外，連撈麵都咁出色！
佢哋嘅肉醬撈丁夠哂吸引！
皆因肉醬係自家製，做到微甜少辣，
難怪會愈食愈愛！

INFO.
地址：何文田窩打老道67號D,Shop C

===============

旺角 – 安安燒
識食一定會揀黑松露菌醬三重芝士撈丁～
除咗黑松露菌醬之外，仲有三重芝士！
即係以車打芝士 x 藍芝士 x 巴馬臣芝士製成～
表層仲用火槍燒到微微嘅金黃色～
食落好濃郁，芝士控必食！

INFO.
地址：旺角染布房街6號地舖

===============

中環 – 蘭芳園
呢間歷史悠久嘅茶記，
無論你係旅客定香港人，相信都一定會知！
佢哋嘅蔥油雞扒撈丁真係遠近弛名！
睇落平平無奇，但其實雞肉嫩滑，而麵條亦相當爽口，
再加埋蔥油嘅香～果然係零舍唔同！

INFO.
地址：中環結志街2號地舖

===============

尖沙咀 – 新記餐廳
另一間芝士控同樣唔可以錯過！
超香濃嘅豬頸肉芝士撈丁，
佢地嘅芝士係以卡夫芝士配 Emmental Cheese 同忌廉打造而成～
仲有鮮嫰嘅蜜汁豬頸肉～
睇見都流哂口水！

INFO.
地址：荃灣海壩街83-93號荃好景大廈地下D舖

===============

銅鑼灣 – 金記冰室
金記冰室除咗出名食菠蘿包之外，佢地嘅咖哩撈丁一樣咁吸引！
有雞扒、豬扒、牛肉、牛腩揀～
勁多汁，好濃郁！
好惹味啊～仲有薯仔添！
香港好少餐廳食得到，有機會值得過嚟一試～

INFO.
地址：銅鑼灣霎東街5號地下

*以上資訊只供參考，如有任何變化或更改均以現場情況或商戶決定為準*