海膽？我Like！
魚生？我都 Like！
今次小編就為大家搵嚟全港六間日本丼飯店！
唔洗飛去日本就食到！一樣咁高質！
咁多位海膽魚生迷又係時候出動喇！
(排名不分先後～～)

===========================================

尖沙咀 – 嵐橋丼飯專門店
呢間居酒屋喺區內相當有人氣！
而佢嘅極上海之幸丼更加係不！得！了！
有大拖羅、牡丹蝦、磯煮鮑魚、大蟹鉗、深海池魚、鯛魚、油甘魚、海膽、三文魚籽同拖羅魚蓉，食材豐富又新鮮！
份量多到幾乎瀉，好高質！
真係食極都唔會厭！

INFO.
地址：尖沙咀棉登徑白蘭軒道2號富峰行地下BCD號舖

圖片來源：＠gglovefood

===============

深水埗 – 宗像屋
呢間隱身於深水埗嘅日本小店，門外連招牌都冇～
不過平時經過都有唔少人排隊嚟幫襯，人氣之一嘅宗像丼（特上）值得一試！
值得注意係，呢度嘅丼飯有三種食法～
分別係當傳統魚生飯咁食；配紫菜變自製手卷；同埋加熱湯作為茶漬飯～
食材好豐富，好滿足!

INFO.
地址：深水埗青山道60號地下B舖

圖片來源：@gugubelly.hk

===============

荃灣 – 鮨一日本料理
呢個「千層」海膽飯一啲都唔簡單！
勁多馬糞海膽，出手好大方～
海膽好肥美，味道鮮甜！
啖啖飯都食到海膽！
唔好問咩係膽固醇，總之海膽迷必食啦！

INFO.
地址：荃灣大壩街79號地舖

圖片來源：＠fullfoodie

===============

觀塘 – 朝日屋
呢個特選海鮮丼真係好抵食！
材料豐富，有吞拿腩、三文魚、油甘魚、火炙左口魚邊、蟹肉蟹膏等，啱哂有選擇困難症嘅朋友呀！
INFO.
地址：觀塘駿業街56號中海日升中心2樓C號舖

圖片來源：＠haphapeat

===============

銅鑼灣 – 日本野
雖然呢間同樣有自選丼飯，
佢小編認為火炙蝶魚裙邊海膽丼更值得一試！
兩塊超厚海膽，仲有充滿油香嘅蝶魚，邪惡感十足！
但唔食返次又會覺得好對唔住自己！

INFO.
地址：銅鑼灣駱克道463-483號銅鑼灣廣場2期6樓

圖片來源：@fjfm_food_diary

===============

旺角 – 大勝丼
想食幾豪可以有幾豪？
冇錯！就係大勝自選丼！
呢度係可以自選食材，就好似車仔麵咁，逐款刺生計！
由腐皮、蟹棒、玉子、三文魚、呑拿魚、三文魚籽、帆立貝到海膽……咩都有！
刺身夠哂新鮮，賣相仲好吸引㗎！回頭率高！

INFO.
地址：旺角彌敦道594-596號旺角新城5樓

圖片來源：@ee_ths

*以上資訊只供參考，如有任何變化或更改均以現場情況或商戶決定為準*