返工日日喺office由早坐到晚，喺屋企又成日睇電話，生活煩悶，壓力大想放鬆下？咁去行下慈山寺啦~

慈山寺建築借鑒盛唐建築之風格，環境清幽寧靜，入到去就感覺淨化心靈，節奏都慢落嚟，冇咁浮躁。

寺廟每個角落都好靚，氛圍清淨莊嚴。遠離都市煩囂，放慢腳步感受呢份寧靜。

普門即觀音殿，為慈山寺第二大殿，高達70米觀音聖像神聖宏偉，法相慈悲莊嚴。右手持智慧寶珠——摩尼珠，左手持淨瓶， 施灑淨水。

由普門至觀音聖像，有一條大道係慈悲道，兩邊種咗十八棵古羅漢松。

慈悲道中間，觀音聖像正前方有一個青銅制水盂——「千處應」，係俾參學者供水用。

參觀者可以攞水砵到泉水取水再到觀音像前澆水供奉。

內外池獨特嘅設計令水同池邊同等高度，水中倒影泛起漣漪，充滿禪意之美。

慈山寺

預約Tips：慈山寺官網會一個月前發放預約，每日有六個時段，總共400個名額。寺廟預約人數太多，每日朝早八點發放預約名額，都會幾個鐘內約滿。想預約就要每日早啲上官網預約啦~
預約連結：https://bit.ly/3yYcD6N

注意事項：
1.保持安靜，盡量輕聲細語，不要大聲嬉戲。
2.衣著需要注意：唔可以著無袖上衣、熱褲同短裙。
3.寺廟並不接受walk-in，所有人都要先預約

圖片來源： @tangcheukling、@zoe_cc

*以上資訊只供參考，如有任何變化或更改均以現場情況或商戶決定為準*