【香港】大澳文物酒店10週年限定優惠！$120歎下午茶！仲有全新升級客房！

6 月 13, 2022 | 香港, 玩樂, 大嶼山 / 坪洲 / 離島

大澳文物酒店為慶祝10周年，展開一系列活動，除咗將客房全面升級，仲推出期間限定嘅大澳特色下午茶！

大澳文物酒店最近進行完全面嘅優化工程，9間客房同文物探知中心都以全新面貌登場。請來咗著名室內設計師Natasha Usher負責今次嘅優化計劃。房間以柔和大地色系作主調，配上水藍色嘅特色牆同梳化等家具，營造悠然舒適嘅度假環境，同時保留舊大澳警署嘅木製平開窗、法式落地雙扇玻璃門同壁爐。

由6月12日起，凡入住酒店，每房都可獲著名英國畫家Lorette E Roberts以「真色大澳」為題繪畫嘅大澳漁村同酒店120周年紀念環保袋同保溫瓶，數量有限，送完即止。

套房包括處長室、司令室、海馬同海獅，每晚$2,800起。其他客房包括牙鷹角、將軍石、鹿湖、寶珠潭、海虎每晚$2,000起。

酒店嘅玻璃屋頂餐廳Tai O Lookout仲精選10道以蝦醬、鹹魚、鹹蛋黃、紫貝天葵等大澳地道食材入饌嘅經典美食，推出「10周年期間限定下午茶」，限時優惠每位只需$120。喺雅致嘅玻璃屋內，細味大澳文物酒店10年嚟嘅招牌菜式。由6月12日起，惠顧「10周年期間限定下午茶」兩客，都可獲贈120周年紀念環保袋乙個。數量有限，送完即止。