亞洲美食一向吸引，當中起源於重慶嘅酸菜魚亦係必食推介！連鎖店「祿鼎記」被稱為廣州最好食嘅酸菜魚專門店，佢哋用咗短短時間已經喺深圳開咗好幾間分店，而且間間都大排長龍，真係好受歡迎！

https://www.instagram.com/p/B1Yqy00BtPr/

「祿鼎記」店內裝潢以中國風為主，為保持食物質素，更向食客保證「油只會用一次」，等大家可以放心享用美食！餐牌供應各款川菜，大家可以選擇酸菜魚鍋、乾鍋、火鍋類，同時亦有配菜、小食提供。

https://www.instagram.com/p/CA9ImCjhR0F/

佢哋嘅酸菜魚每條約有一斤重，單點就要兩斤起，仲可以配田雞食用，夠哂有特色！而配料就以蔬菜、粉麵為主，當然唔少得大量酸菜啦，你亦可以另外叫自己鍾意嘅小食。

https://www.instagram.com/p/CBho6nTglje/

佢哋嘅酸菜魚份量十足，而且仲好入味！酸菜魚辣度係固定嘅，好容易入口，辣度適中，配埋麻香，夠哂惹味，加上帶有鮮味嘅滑嫩魚肉，唔掛得咁多人排隊去食！祿鼎記嘅魚肉夠滑夠多，價錢仲非常抵食，如果你都想食到正宗廣東人口味嘅酸菜魚，下次一定要去試吓啦！

*以上資訊只供參考，如有任何變化或更改均以現場情況或商戶決定為準*