日本人氣法式千層酥Gariguette即將於今個夏季登陸香港！Gariguette喺東京表參道，大阪梅田及福岡博多設有分店，香港將會係海外第一間分店。唔洗去日本都食到日本大熱法式千層酥 (mille presse)！店內有多款口味法式千層酥，今次亦會為香港分店設計新口味，大家可以期待下！ 酥皮採用100%發酵奶油製作，再經由特別訂做嘅熱壓機製作，最後放入焗爐烤製，酥皮輕薄香脆。 士多啤梨忌廉口味係店內人氣之選，酸甜嘅水果配上香脆嘅酥皮，十分可口。 店內仲有多款唔同口味選擇，甜品精緻造型打卡一流，相信開幕勢必引起排隊熱潮！ ...
