鐘意食壽司嘅你可能近期日本壽司店未必係首選，熱愛北上搵食嘅你，不妨試下呢間廣州人氣創意壽司店，menu主打嘅係「不時不食」用上唔同城市嘅時令食材，喺門口仲會分咗四個季節並附上日子，呢度嘅壽司全部都好有特色，睇落似黑暗料理咁，包括榴槤冰皮壽司、脆皮豬腦壽司、皮蛋茄子三文魚壽司等等，究竟係中菜扮壽司？即刻睇下有咩食先。 招牌榴槤冰皮壽司，大家一定要試~冰皮包住爆陷榴槤，口感甜甜哋！同芒果糯米飯有異曲同工之妙。 皮蛋茄子三文魚壽司，底層係天婦羅茄子加上中間皮蛋，睇個名就好似黑暗料理咁，其實望落個樣又幾精緻！...
