全城期待嘅奇妙跑步盛事「香港迪士尼樂園10K Weekend 2024」將於2024年11月2至3日喺香港迪士尼樂園度假區開跑! 大細跑手可以穿梭迪士尼樂園唔同園區,更可以喺米奇同好友、Duffy同好友、皇室姐妹安娜同愛莎、漫威超級英雄同埋更多迪士尼朋友嘅打氣下完成賽事。 今年更會首次跑入魔雪奇緣Frozen嘅世界,邊跑邊欣賞阿德爾王國嘅北歐風情,沿途仲有阿德爾居民現身為跑手打氣,令跑手投入前所未有嘅魔法體驗! 迪士尼10K Weekend 2024將會有一系列唔同迪士尼故事主題嘅跑步賽事,適合唔同年齡嘅跑手參加!...