深水埗體育館將會喺九月二十八日起投入服務,係深水埗區內第六個室內體育館! 新體育館位於深旺道38號深水埗康樂文化大樓二樓至四樓,海達邨旁邊。大樓外觀好似書本層疊嘅形態,仲設有太陽能板同太陽能熱水裝置等環保設施,提升項目嘅環保效能同可持續性。大樓除體育館仲包括一個分區圖書館、一個五人足球場、休憩用地同一個中央圖書館嘅備用書庫。而體育館總面積約五千五百七十平方米,設施包括多用途主場(可用作兩個籃球場或兩個排球場或八個羽毛球場或一個手球場;亦可兼作社區活動場地,容納約一千名觀眾)、乒乓球室、健身室、兒童遊戲室及三個多用途活動室。...