大棠紅葉年年都人山人海，唔想同人逼，今年可以去深井清快塘喜香農庄，有二十顆紅葉，冇咩人，打卡一流！行上山大概需要50分鐘，大部分石屎路，新手都可以輕鬆行到~ 除咗茂盛紅葉，仲有紫藤花同蓮花池~ 放假去賞花，坐喺草地曬太陽都幾chill~ 農莊內有士多同餐廳，打卡之餘都可以食埋飯~ 悠閒半日遊~ 天氣涼涼地係郊遊好時機！快啲約人出去行下啦~ 深井清快塘喜香農庄 前往方法： 巴士234A，52X或 302去到深井村落車，沿著清快塘新村路行，沿途有清快塘指示牌。全程石屎路，有一段路要行樓梯，上山大概需時50分鐘。...
