由於西貢萬宜水庫東壩小巴已經在假日全日服務,大家入去都方便咗好多!唔洗捱貴的士入去,大家如果想直接入到嚟就可以乘坐9A,小巴會逢星期六、日及公眾假期提供全日服務,由早上10時至晚上6時都有小巴來往,20分鐘一班車。非常方便~ 萬宜水庫範圍超級大,分為東壩同糧船灣洲兩個地方,而香港聯合國教科文組織世界地質公園的「西貢火山岩」園區便位於此,大家仲可以沿著東壩地質步道,遠眺遼闊的海岸景色,以及香港獨特的地質景觀,亦可近距離欣賞世界級的六方形石柱,另外,東壩旁邊嘅破邊洲是香港著名的海蝕地貌。 呢個畫面就可以見到堤壩,同一望無際嘅海平面。...