馬鞍山大水坑來往大尾篤街渡即將開通啦!運輸署早前接獲營辦商聲威實業申請街渡航線,近日就落實街渡會喺7月9日啟航,提供兩條航線來往大水坑至大尾篤同來往大水坑至馬料水! 沙田區議員鄭仲恒上周二仲喺社交平台表示,相約咗運輸署、康文署、渡輪承辦商同協辦團體,視察有關大水坑新街渡試航,要求有關部門加強留意乘客排隊嘅情況,避免影響海濱長廊嘅其他使用者。 海濱長廊為康文署管轄範圍,所以並未成為寵物共享公園,長廊中亦冇足夠寬度增設寵物通道,所以新渡輪服務並不接受寵物上船。...