最近有唔少攝影發燒友天未光就出發去元朗南生圍，就係為咗影日出晨霧呢個仙景。 日出+晨霧+蘆葦草... 呢個令人震撼嘅景象都吸引唔少網民，大家都讚嘆原來香港有呢啲咁靚嘅自然景色！ 香港天文台指出，南生圍呢個景象實際上係輻射霧，攝影愛好者稱之為「日出地霧」，通常喺日出時分短暫出現，係一種靠近地面嘅美麗霧氣。 顧名思義，輻射霧需要輻射冷卻現象出現，通常喺天朗氣清、風勢微弱嘅晚上，新界空曠地區會因輻射冷卻而顯著降溫，令靠近地面嘅水汽有機會凝結成霧。 輻射霧喺冬春兩季比較常見，每當日出後溫度上升，霧就會逐漸消散。...
