難得去澳門玩,一定要試下當地人氣腸粉店「倫記軟滑腸粉」!腸粉係由米漿做出嚟嘅美食,屬於廣東小食,喺好多粥麪舖、街邊檔、大排檔、酒樓都可以食到。腸粉好味又飽肚,唔少人都會食腸粉當早餐、下午茶,甚至宵夜,係廣東嘅人氣小食! 「倫記」以即拉即製嘅腸粉聞名,主打傳統布拉軟滑腸粉同埋各種粥粉面,你可以喺小店入面食到地道小食,非常有風味!布拉腸粉係以「 布 」拉成嘅腸粉,店員會先喺浸濕嘅布上淋上米漿,蒸熟後再鋪上唔同嘅內餡,然後捲成一條條,切段後淋上醬汁即成。...