天水圍一直都冇公營街市，近年政府落實將喺天水圍站外對出興建新街市，元朗區議會最近公布咗最新進度同設計構念圖！ 新街市將建成喺天福路，三層高仲有架空平台，提供約150個檔位，另外再設有花園、休憩空間等等。仲會有行人天橋連接天水圍站同輕鐵站。 街市嘅一樓同二樓係提供冷氣嘅室內街市，150個檔位，包括咗大、小型攤檔同熟食檔，兩層都設有戶外花園，頂層就有半蓋式花園、休憩處同水耕種植街市攤檔！ 文件就提到，街市特別加入咗「地方營造」（place-making）嘅元素，好似提供多個綠化休憩空間，同提供一個多用途空間，可以用作舉辦唔同活動。...
