早前又颱風、又黑雨,差唔多落咗成個月雨,香港人放假都出唔到去~天氣慢慢開始變涼喇,係時候出動你嘅行山裝備! 今次小編要介紹嘅係位於梨木樹附近嘅城門水塘,水塘位於大帽山東南山麓,群山環繞,風景秀麗,早已成為郊遊勝地。 呢個係季節限定景象,因為早前整個月份都落,令水塘集聚超多雨水,運氣好嘅話,主壩附近嘅兩個漏斗形排洪時就變成一個圓形瀑布景觀,超壯觀~大家真係要把握機會去行山時候順便睇下呢個現象。 另外,水浸白千層樹亦都係因為雨水多嘅關係,多數白千層樹都被浸喺水中。...