今年無國界醫生再次舉行「救援在野」城市定向活動!活動繼續以專用嘅手機應用程式進行,參加者仲可以自選救援人員身份參與「救援任務」,從中了解更多無國界醫生喺羅興亞難民營嘅救援工作! 活動參加方法好簡單,只要上網報名,下載「救援在野」手機應用程式 ,就可以開始「救援任務」。成功報名即可領取精美紀念品包,包括紀念獎牌、迷你側揹袋、環保食物袋、可摺疊水杯等,並喺完成賽事後獲頒電子證書! 比賽限時兩小時,個人參加者同隊伍都可以自行計劃路線到達Checkpoint,喺Checkpoint完成「前線任務」即可獲取分數,得分最高嘅隊伍就勝出。...