創立於江戶時代嘅伊藤久右衛門，一直以銷售高品質嘅宇治茶而聞名，係去京都宇治一帶必買嘅手信。2014年推出過抹茶咖哩包，創意又濃厚嘅味道，被日本各大媒體大肆報導，亦成為伊藤久右衛門嘅常備產品之一。8年之後，伊藤久右衛門又推出宇治茶咖哩嘅第二彈「宇治烘焙茶咖哩」。 伊藤久右衛門今次推出嘅宇治烘焙茶咖哩，開發時為咗要令焙茶風味同咖哩獨有嘅香辛味融合，特別使用比平常更深焙嘅宇治焙茶。唔只能夠食到咖哩嘅味道，一入口焙茶嘅獨特香味亦跟著擴散。雖然係咖喱方便包但都食到雞肉與蔬菜碎，微辣嘅辣度令風味更有層次。...
