呢排天時開始轉涼,食啲熱辣辣嘅嘢就最啱啦!今次小編推介呢間烤魚,主打碳火風味烤魚! 必試鳳梨香辣豆花烤凌波魚,菠蘿酸酸甜甜可以中和辣味,有解膩嘅作用。 配料都有幾多,包括凌波魚,豆花,青瓜,菠蘿等等。湯底夠辣,惹味鮮香! 配料兩個人食啱啱好,如果唔夠可以另外單點多款配料,好似打邊爐咁。 推介食法:可以倒入少量醋,即時魚肉食落更加鮮美! 另外都可以試下店內串燒和小食,推介燒蠔和燒龍蝦!用料新鮮,調味適中,唔會太鹹。 整體而言,烤魚和串燒用料都幾新鮮,魚肉食落爽彈又嫩滑,調味惹味得嚟又唔會好鹹。...