天氣漸涼，又到郊遊好時機！唔想去太遠，不如去灣仔峽公園行下啦~位於半山腰嘅灣仔峽公園仲有個泰式木屋可以打卡！ 灣仔峽公園係行山路徑嘅中途站，有涼亭、廁所同小賣部可以稍作休息，補充體力~ 由灣仔峽道行入去路線陡斜，行40分鐘左右就會見到灣仔峽公園。如果搭巴士就只需要步行2分鐘。 想打卡之餘行下山可以由灣仔峽公園行去香港仔水塘，全程大約一兩個鐘~沿途景色怡人，趁天氣涼涼地行下都幾舒服。 木屋前有顆椰子樹，仲有小象擺設，好有度假風情~ 搵日放假同朋友試下新路線啦~ 灣仔峽公園 地址：山頂甘道27號...
