滷水鵝就食得多啦,有冇食過大紅袍滷水鵝呢?今次介紹呢間九龍城餐廳,店內滷水汁會加入茶葉,唔加豉油,另外會再配上自家製鵝醬!皮薄肉嫩嘅鵝片點上香濃鵝醬,真係齒頰留香! 滷水鵝片:選用110日獅頭鵝,滷水汁加入咗大紅袍茶葉,鵝肉皮薄肉嫩,鵝味香濃,滷水汁較為清淡,點上用蒜蓉及鵝油等材料秘製嘅鵝醬,更添風味! 自選滷水拼盤:鵝五寶包括鵝腸、鵝肝、鵝腎、墨魚片及鵝紅。鵝肝及鵝腸幾出色,鵝肝口感細嫩綿滑,鵝腸爽脆入味。 當紅炸子雞:選用130日走地雞,即叫即炸,皮脆肉嫩,有雞味。...