澳門爆紅小食渠蓋燒,唔知大家又試過未呢?近嚟嘅渠蓋特別受歡迎,除咗可以影相打卡之餘,原來仲可以食落肚。澳門呢間小店就首創「坑渠蓋燒」,多款口味任君選擇。次次嚟澳門都係食豬扒包、葡撻,大家不妨下次嚟呢間小店試試佢喇! 大家需要注意,原店地址位於麻子街,現已搬遷去咗新地址,位於海濱休憩區。 仲有7款口味俾大家揀,包括榛子、綠茶、開心果、草莓、红豆、紫薯、芝士肉鬆,而且配方都係少甜版,食落就無咁邪惡! 坑渠蓋燒用咗竹炭粉做粉漿,所以先咁黑! 女士們就唔洗再擔心渠蓋燒份量太大一個人食唔完,因為宜家有新產品就係迷你渠蓋燒。...