深井清快塘喜香農莊紫藤花盛放喇！喺農莊內串串紫藤花掛滿藤架，形成超靚淡紫色花海！ 喜香農莊開業已經快20年，地點隱蔽，喺深井清快塘村入面，由深井村上山，行約40分鐘就到清快塘。 農莊免費入場，每年3至4月係紫藤花盛開期，有好多人慕名而嚟。 農莊設有兩個紫藤花藤架，花冠成蝶形嘅紫藤花掛滿花棚，仲會垂下串串紫藤色嘅花朵，飄散住紫藤花香。 行喺藤架下面，一抬頭就可以見到一大片淡紫色花海，好似置身世外桃源咁！ 紫藤花花冠成蝶形，通常有20至30朵花喺同一枝藤上，一串串生長，花朵密集好靚，大家想影相浪漫紫藤花就要趁花期去打卡啦！...
