今次介紹呢間泰國菜，店內環境溫馨，採用實木桌椅同綠色為主調，營造出泰式東南亞風情~ 餐廳主打泰國依善菜，風味較濃郁香辣。 先嚟個前菜，青木瓜沙律酸甜香辣又爽口~ 小編推介椰汁焗飯！用原隻椰子上，好啱打卡！焗飯有香濃椰子味，配料有蝦、青豆、提子乾同椰子肉，口感豐富。 店內串燒都係必食！有雞肉同豬肉兩款。兩款肉汁都好豐富，配上醬汁更惹味！雞肉串燒係用雞腿肉以多種調味醃製超過48小時後放在傳統炭火爐烤製而成，所以好鮮嫩入味。豬肉串燒以椰奶醃製，沾上泰式蜜汁後放在傳統炭火爐燒，帶少少燶邊，味道香甜鬆軟。...
今次介紹呢間大角咀餐廳，主打泰北依善菜，餐廳裝潢幾有度假feel~ 餐廳裝潢好有特色，好似身處海邊度假餐廳~ 放假同朋友去感受下異國風情，放鬆下~ 食物方面都幾有特色，同一般泰國菜唔同，餐廳主打泰北依善菜。食物質素都唔錯~ 推介泰北咖喱金麵配炭火燒雞 伊善炭火燒牛肉 泰式蝦膠炸皮蛋 炭燒椰香糯米餅 Restoran SAYA 地址: 大角咀福澤街18號利奧坊地下G701號舖...
奧海城新開咗一間泰式fusion餐廳，餐廳大廚係擁有40年入廚經驗中菜名廚師邵德龍師傅，將多款川菜元素融入到泰國菜當中，令到泰國菜唔只係得酸辣味，多咗麻辣同香辣嘅風味~ 餐廳環境闊落，裝潢型格有氛圍，仲設有bar檯，包廂~座位都幾多~ 包廂適合朋友或家庭聚會~ 前菜推介藤椒蟶子青提子同泰式生蝦！ 藤椒蟶子青提子：蟶子清甜，帶有輕微麻香，配上酸甜嘅提子，開胃清新。 泰式生蝦：生蝦爽彈鮮甜，醬汁好惹味，微辣。 招牌海南雞飯：海南雞皮爽肉滑，油飯香糯，配上清甜雞湯~好滿足。 原隻鮮魷：鮮美嘅魷魚配上麻辣醬汁，香口惹味~...
今次介紹呢間上環人氣特色泰國菜，有多款fusion菜式~ 必試店內招牌泰式奶茶刨冰，夏天食就最啱啦，解暑清涼，茶味香濃，又唔會太甜膩~ 配上珍珠，口感更加豐富~不夠略嫌珍珠唔夠煙韌，無咬口~ 蟹肉奄列，真係食到啖啖鮮甜蟹肉，煎餅鬆軟又香口~ 泰式香蕉煎餅：常見嘅泰式煎餅，搽上厚厚煉奶，好邪惡~ 鹹椰奶湯圓：呢個真係好少見，餡有花生碎同椰子絲，外皮煙韌，再配上椰奶，好清香~ 椰子雪糕：呢個都係必試，用椰子殼裝住，椰子味雪糕配上花生，栗米同椰子肉，口感豐富，味道好fresh~ Chachawan 地址：上環荷里活道206號地舖...
尖沙咀最近開咗間新餐廳，好有度假feel～主打fusion泰國菜～ 店內裝潢好有特色，好適合假日同朋友一齊放鬆加打卡～ 每個角落都好靚～感覺溫馨～ 仲設有榻榻米座位～ 食物質素都唔錯，推介冬陰功帶子意大利飯，少少香辣味食落冇一般意大利飯咁膩，配上番茄同帶子，口感比較清新。 青咖喱牛肉飯：食泰國嘢當然唔少得咖喱，青咖喱比較辛辣，牛肉軟淋～都唔錯。 擺盤精緻，影相一流～ ASOK Thai Garden 地址：尖沙咀亞士厘道37號地舖...
成日去旺角都唔知食咩好？ 推介去試下呢間Cafe，Cafe嚟講都幾多嘢食~ 主打泰西Fusion料理~ HA!蝦飯堡 配脆脆薯角&雜菜沙律 泰式風味魷魚鬚金柚沙律 配厚切蒜蓉烤多士 泰北酸酸腸 (9) 冚棒唥...
全新歐陸風格的70s Food Dining by Vintage House 登陸尖沙咀，場內設有七間各具特色嘅餐廳！ 橫跨兩層，地面美食廣場佔地 5,000 平方呎，加上一樓餐廳Earth佔地2,500平方呎。 維多利亞風格拱形扇門通向寬敞的用餐空間，大堂的復古吊扇、遍佈各處的竹燈和懷舊翠綠色調，好適合打卡。 亞洲香味屋，可以品嚐到馬來西亞和新加坡的地道東南亞風味咖哩，風味正宗的文昌雞、肉骨茶，由前文華東方廚師興叔精心炮製。...
位於九龍城嘅人氣早餐店，餐廳嘅All Day Breakfast 可供客人自選配料，確保每款食物都係客人自己心水~餐廳嘅皇牌絕對係All Day Breakfast，高峰期日賣80份，好受歡迎！即刻睇有咩食！ 屯馬線開通除咗可以嚟九龍城食泰國菜，仲可以食埋呢個All Day Breakfast喔~ 配料非常豐富，有龍蝦、煙肉、大啡菇、番茄等等。 配埋個流心班尼迪蛋就perfect喇~ 仲有肉眼扒食。 大家經過不妨過嚟試下喇！ The Yell-Owl seafood & grill 地址：九龍城福佬村道5-9號地下C...
呢間新開嘅Cafe，木系裝潢，環境清新。 有別於一般Cafe，呢間有船麵食~仲有蝦多士，定食等等。 餐廳內環境都好啱打卡~又有窗邊位，影人同嘢食都係咁靚~ 仲有多款甜品食。 食物質素整體而言都唔錯，選擇多，環境又啱打卡！ Buff 不苦 地址：九龍深水埗楓樹街5A號地下...
都市人工作忙，好難有機會識朋友，趁住中秋佳節，參加情緣燈謎之旅，佳人才子樂悠悠！ 如果你係30至45歲嘅單身人士，機會嚟啦！ 活動行程都好豐富呀，可以參加工作坊一齊製作水墨畫燈籠，通過互動增加大家對彼此嘅了解！ 自製燈籠在水墨畫及書法導師Sue Yuen帶領下進行，其書法師承著名書法大師華戈先生，並以書法神交前賢、廣結名師。 Sue自幼擁有美術天賦，1999年於大專畢業後從事14年美術行業，及後自2013年至今專業從事水墨畫及書法教學， 曾接受電視台及各類雜誌採訪，其水墨畫、書法作品曾參加各類書畫展，備受好評。...
九龍城有好多泰國菜食個個都知，但唔係間間都好食嘅~ 今次介紹呢間泰國菜都幾高質㗎！ 必試：燒牛肉 配酸辣醬 $88 （牛肉分量好多，仲有炭燒味，配上醬汁好惹味） 泰式燒雞翼 $18 （燒到皮脆肉嫩，仲要好Juicy呀！） 泰式拼盤 $108 -小 /$148 -大 泰式炒金邊粉 $78 （味道不過不失） 泰式椰汁沙冰 $35 / 泰式芒果沙冰 $38 整體而言，選擇都幾多，味道都唔錯，分量都幾多，值得一試！ 泰金國 地址：九龍城侯王道9號地下A號舖...
